Қызылша ауруына шалдыққан балалардың 80%-дан астамы егілмеген

Қазақстан Республикасы Денсаулық сақтау министрлігінің деректері бойынша - Қазақстанда қызылшамен ауырған 14,4 мың баланың 80%-дан астамы егілмеген, оның жартысынан көбі ерікті түрде бас тартудың себебінен болып отыр, деп хабарлады бүгін Үкімет отырысында Денсаулық сақтау министрі Ажар Ғиният.

Республикада қызылшаның 17 мыңнан астам жағдайы тіркелді, оның ішінде 82%-дан астамы немесе 14465 жағдай балаларға тиесілі, оның 83%-ы вакцинация алмаған балалар. Бұл ретте, балалардың 60%-ы ата-аналарының бас тартуына байланысты егілмеген, қалған балалар егу жасына жетпегендер не медициналық қарсы көрсетілімдері бар.

Қызылшамен ауырғандардың ең көп саны Шымкент қаласында – 3 016 жағдай, Алматы қаласында – 2 653 жағдай, Жамбыл облысында – 2 370 жағдай тіркелді.

Бүгінгі таңда елімізде қызылшамен ауыратындарға арналған 3,5 мыңнан астам орын ашылды, стационарлық емделуде 2375 бала бар, төсек 59,5%, резерв - 1093.

Белсенді ұзақ өмір сүру мектебінде сабақ өткізілді

24.11.2023 ж. Белсенді ұзақ өмір сүру мектебінде сабақ өткізілді.. Барлық қатысушылар №15 ҚЕ кардиолог дәрігері К.А. Есеевадан кеңес ала алды. Сондай-ақ, медбике А.К. Абденбаева қан қысымын, қантты және зәр қышқылының деңгейін өлшеді. Барлығына көрсеткіштер түсіндіріліп, ұсыныстар берілді.

АНТИБИОТИККЕ ТӨЗІМДІЛІКТІҢ НЕГІЗГІ ФАКТІЛЕРІ

18-24 қараша аралығында Дүниежүзілік денсаулық сақтау ұйымының бастамасымен Дүниежүзілік микробқа қарсы препараттарды дұрыс қолдану апталығы өтеді.

АНТИБИОТИККЕ ТӨЗІМДІЛІКТІҢ НЕГІЗГІ ФАКТІЛЕРІ:

Антибиотиктерге төзімділік – адам денсаулығына, азық-түлік қауіпсіздігіне қауіп төндіретін факторлардың бірі.

Антибиотиктің әсеріне тұрақтылық қалыптастырған бактериялар қай елді мекендегеніне қарамастан, кез-келген адамға жұғуы мүмкін.

Антибиотиктерге төзімділік - бұл табиғи құбылыс, бірақ адамдардың антибиотиктерді дұрыс қолданбауы және оларды жануарларға дұрыс пайдаланбауы, үрдісті тездетеді.

Антибиотиктердің тиімділігінің төмендеуіне байланысты инфекциялық ауруларды (мысалы, пневмония, туберкулез, сальмонеллез) емдеу қиындай түсуде.

Халықаралық темекі шегуден бас тарту күні

"2021 - 2025 жылдарға арналған "Дені сау ұлт" әрбір азамат үшін сапалы және қолжетімді денсаулық сақтау" ұлттық жобасын тиімді іске асыру шеңберінде ҚР ДСМ Ұлттық Қоғамдық денсаулық сақтау ұлттық орталығының ұйымдастырушылық - әдістемелік басшылығымен республика өңірлерінде 12-21 қарашадан бастап Халықаралық темекі шегуден бас тарту күні атап өтіледі.

Темекі эпидемиясы әлемде бұрын - соңды болмаған халықтың денсаулығына ең үлкен қауіптердің бірі болып табылады. Жыл сайын одан 8 миллионнан астам адам қайтыс болады. Осы өлім-жітімнің 7 миллионнан астамы темекіні тікелей тұтынуға және 1,3 миллионға жуығы екінші реттік темекі түтінінің әсерінен байланысты.