Ботулизм - нені білу қажет?

Ботулизм - жоғары өліммен сипатталатын, жүйке жүйесіне басым зақым келтіретін ауыр тағамдық токсикоинфекция.

Ботулизм қоздырғыштарының споралары топырақ немесе ішек құрамы ластанған жануарлар, құстар және балықтардан жасалынған кез-келген тамақ өнімдерінде болуы мүмкін.

Ауру анаэробты жағдайда сақталған (оттегінің болмауы) консервіленген өнімдер, әсіресе үйде дайындалған, сонымен қатар шұжықтар, ысталған және тұздалған балық, бұқтырылған ет өнімдерін пайдаланғанда ғана пайда болуы ықтимал.

Аурудың дамуы өте жылдам жүреді, алғашқы 2-24 сағатта әлсіздік, іш ауруы, құсудың пайда болуы, көз алды торланып, бұлдырайды, бір нәрсе екеу болып көрінеді, ішкен асы тамақтан өтпей, шашалады, жұтыну қиындайды, даусы қарлығып, мұрын арқылы сөйлейді. Ауырған адамды дер кезінде емдемеу - тыныс алу бұлшықеттерінің сал ауруынан өлімге әкеліп соқтыруы мүмкін.

Ұзақ өмір сүру мектебінде сабақ өткізілді

28.06.2024 ж. жоспары бойынша Белсенді ұзақ өмір сүру мектебінде "Инсульт, симптомдар және алдын алу" тақырыбы бойынша сабақ өткізілді. Дәріскер №15 ҚЕ невропатологы Батес Латиф болды.

Барлық қатысушыларға медбике Каирбекова А.Б. қан қысымын, қантты және зәр қышқылының деңгейін өлшеді. Барлығына көрсеткіштер түсіндіріліп, ұсыныстар берілді.

Барлық ниет білдірушілер Шалқоде көшесі, 3 мекенжайы бойынша өтетін Белсенді ұзақ өмір сүру мектебіне қатыса алады. Барлық сұрақтар бойынша №15 ҚЕ СӨС дәрігеріне Алимова С.Б., каб. 301 (Р.Қошқарбаев даңғылы, 64), тел. 87073216414 хабарласыңыз.

Жоғары сынып оқушыларына сабақ өтті

26.06.2024 ж. репродуктивті денсаулық апталығы аясында жасөспірімдердің репродуктивті денсаулықтың маңыздылығы, қажетсіз жүктіліктің және жыныстық жолмен берілетін инфекциялардың (ЖЖБИ) алдын алу әдістері, АИТВ-инфекциясы мен ЖЖБИ таралуының жоғарылауы және жатыр мойны обырын тудыратын адам папилломавирусының алдын алу қажеттілігі туралы хабардарлығының төмендігі сияқты мәселелерді шешуге бағытталған №15 Қалалық емхананың "Ниет" Жастар денсаулық орталығының қызметкерлері №57 және №13 мектептердің жоғары сынып оқушыларына сабақ өткізді.

Іс-шараның мақсаты - жасөспірімдердің репродуктивті денсаулықтың маңыздылығы туралы хабардарлығын арттыру және салауатты өмір салтын насихаттау.

Суға батқан кезде дәрігерге дейінгі көмек алгоритмі

223/2020 бұйрығы, 6-тармағы, 17-тармақшасы бойынша суға батқан кезде дәрігерге дейінгі көмек алгоритмі:

1. ойланып, сабырлы және абайлап әрекет етіңіз;

2. көмек көрсетуші өзі жақсы жүзіп және сүңгуі керек, зардап шегушіні тасымалдау тәсілдерін білуі керек, оны қармауынан босатылып шығуды білуі керек;

3. жедел жәрдемді немесе дәрігерді шұғыл шақыру;

4. мүмкіндігінше ауыз бен жұтқыншақты тез тазалау (ауызды ашу, түскен құмды алып тастау, тілді абайлап тарту және ұштарын бастың артқы жағына байлайтын таңғышпен немесе орамалмен иекке бекіту);