ЖСН алған сәттен бастап кәмелетке толғанға дейінгі барлық балалар МӘМС жүйесінде мемлекет есебінен сақтандырылған

Бүгінгі күні еліміздің емханаларына 0 - ден 18 жасқа дейінгі (толық 17 жасқа дейінгі) 6,5 миллионнан астам бала тіркелген.

Олардың барлығы тегін медициналық көмектің кепілдік берілген көлемі (ТМККК) шеңберінде де, міндетті әлеуметтік медициналық сақтандыру (МӘМС) жүйесінде де мемлекет жарналарын төлейтін азаматтардың жеңілдетілген санаты ретінде медициналық қызметтерге толық қол жеткізе алады.

Елордалық емханаларға 50 жаңа көлік берілді

Бүгін елорданың денсаулық сақтау қызметіне жаңа көліктердің кілті табысталды. 4-санаттағы шұғыл шақыруларды орындау, сондай-ақ үйге шақырулар мен мобильдік бригадаларды тасымалдау үшін Астана қаласының әкімдігімен МСАК ұйымдарына 50 жаңа автокөлік сатып алынды.

«Өткен пандемия МСАК жылдамдығына ерекше қажеттілікті көрсетті, яғни науқастарға үйден қызмет көрсету, стационарларды үйде ұйымдастыру мен мобильді бригадалар, жалпы медициналық қызметкерлердің нәтижелі жұмысы үшін заманауи автокөлікпен қамтамасыз етудің маңыздылығын көрдік. Астана қаласының әкімдігі мен елордалық мәслихаттың медицина қызметкерлеріне деген қолдауы үшін алғыс білдіреміз», - деді Қоғамдық денсаулық сақтау басқармасының басшысы Тимур Мұратов.

Дүниежүзілік балалар күні

Бүгін - 1954 жылы БҰҰ Бас Ассамблеясы жариялаған Дүниежүзілік балалар күні. Ол 20 қарашада бүкіл әлемдегі балалардың әл-ауқатын қамтамасыз етуге бағытталған іс-шараларға арналған әлемдік бауырластық пен балалардың өзара түсіністік күні ретінде атап өтіледі.

2022 жылдың тақырыбы: әр балаға инклюзия.

Дүниежүзілік балалар күні - диалог пен белсенді әрекет арқылы балалардың құқықтарын қорғауға және бүкіл әлемдегі балаларға қолайлы ортаны дамытуға тамаша мүмкіндік.

Сонымен қатар, 20 қараша – халықаралық педиатр күні. Бұл екі күн дәрігер мен баланы біріктіреді. Бала туылғаннан кейін ата-аналарға арналған балалар дәрігері сенімді тірек болады. Отбасы мен қоғамның болашағы туралы қамқорлық - балалар дәрігерлерінің жұмысы туралы айтуға болады.

Өкпенің созылмалы обструктивті ауруы алдын алу

Өкпенің созылмалы обструктивті ауруы немесе ӨСОА - тыныс алу органдарының ең көп таралған созылмалы ауруларының бірі. Ол әдетте 40 жастан асқан науқастарда дамиды. ӨСОА кезінде ақ немесе сары қақырықпен жөтел пайда болады және ентігу күшейеді. Әдетте темекі шегу, ауаның ластануы, зиянды өндіріс жағдайлары немесе ЖРВИ-ден кейін пайда болады. Генетикалық бейімділік те маңызды.

Тыныс алу функциясын жақсарту үшін аурудың одан әрі дамуын арнайы препараттармен және небулайзерлік терапиямен бәсеңдетуге болады. Ауру кезінде бронхиолалар – ұсақ бронхтар - және интеральвеолярлы қалқалар зақымдалады. Содан кейін тыныс алу, газ алмасу функциясы бұзылады, өкпе зақымдалады.