АИТВ (ВИЧ)

Толығырақ

Жарияланды 30.11.2022 19:25

Қаралды: 1416

АИТВ (ВИЧ) — адамның иммун тапшылық вирусы ағзаны түрлі аурулардан қорғайтын қорғаныштық жүйені зақымдайды. АИТВ жұқтырғандар бірнеше жыл бойы өзін сау сезініп, кәдімгідей өмір сүре береді. Ауру екендіктерін өздері білместен айналасындағы адамдарға жұқтырып тынады.

ЖИТС (СПИД) – жұқтырылған иммун тапшылығының синдромы. Ол АИТВ жұқпасының ақырғы кезеңі.

Вирус көп мөлшерде қанда, спермада, қынап кілегейінде, емшек сүтінде болады. Көз жасында, жұлын сұйығында, сілекейде өте аз мөлшерде болуы мүмкін.

ЖИТС-тің қазіргі кезде негізгі жұғу жолдары мынадай:

- Кездейсоқ қорғанышсыз (мүшеқапсыз) жыныстық қатынас кезінде;

- Вирустың бірден қанға түсуі (бір реттік шприцті қолданбаған жағдайда);

- АИТВ жұқтырған анадан баласына жүктілік, босану және ана сүтімен қоректендірген кезінде.

Сондықтан АИТВ жұқпасынан сақтанудың тиімді тәсілдерін біле жүріңіз. Жыныстық қатынас негізгі жұғу жолы болып табылады. Біріншіден, мүшеқап аурудың алдын алады. Екінші, есірткі тұтынудан бас тарту өте маңызды. Егер оған құмарлығын қоя алмаса, тек бір реттік инені пайдалануы керек. Үшіншіден, әрбір жүкті әйел АИТВ жұқпасына тексерілуге міндетті. АИТВ жұқпасымен ауыратын әйел жүкті болған жағдайда, дені сау ұрпақты дүниеге алып келуі үшін ЖИТС (СПИД) орталығы дәрігерлерінің бақылауында болып, дәрігерлер тағайындаған ұсыныстарды мүлтіксіз орындауы қажет.

Қорыта айтқанда, әрбір адам салауатты өмір салтын ұстанып, кездейсоқ жыныстық жақындасудан аулақ болса, өзін-өзі ЖИТС-тен қорғай алады.