ҚР ДЕНСАУЛЫҚ САҚТАУ МИНИСТРЛІГІ ОНКОЛОГИЯЛЫҚ АУРУЛАРҒА ҚАРСЫ КҮРЕС БОЙЫНША ЖАҢА КЕШЕНДІ ЖОСПАР ӘЗІРЛЕЙДІ

  • Басып шығару
Толығырақ
Жарияланды 14.04.2022 20:08
Қаралды: 1019

 

ҚР Денсаулық сақтау министрлігінің Медициналық көмекті ұйымдастыру департаменті директорының орынбасары Гүлнар Жанғарашева ҚР Президенті жанындағы Орталық коммуникациялар қызметінде өткен сараптамалық брифинг барысында ведомствоның онкологиялық аурулармен күресудің жаңа Кешенді жоспарын әзірлейтінін хабарлады.

"2022 жылы онкологиялық аурулармен күрес бойынша қолданыстағы Кешенді жоспарды іске асыру мерзімдерінің аяқталуын ескере отырып, келесі бес жылға арналған жаңа кешенді жоспар әзірлеу жоспарлануда. Жаңа кешенді жоспарға диагностиканың алдын алу, мамандандырылған емдеу, паллиативтік көмек және оңалту сияқты барлық бағыттар бойынша онкологиялық науқастарға көрсетілетін көмектің сапасын арттыруға бағытталған шаралар енгізілетін болады", - деп хабарлады МКҰД.

Сонымен қатар, колоректальды қатерлі ісік скринингінде инвазивті емес зерттеу әдісі ретінде өкпе қатерлі ісігі мен виртуалды колоноскопия скринингі бойынша пункттер енгізу жоспарлануда.

Онкологиялық ауруларды диагностикалау мен емдеуде қолданылатын радиофармпрепараттар желісі кеңейтілетін болады.

Қазіргі уақытта іске асырылып жатқан онкологиялық аурулармен күрес жөніндегі кешенді жоспар профилактиканы, ерте диагностиканы, кадрлық әлеуетті, ғылымды дамытуды және онкологиялық көмек көрсетудің интеграцияланған моделін енгізуді көздейді.

Мәселен, қазір ҚР-да ерте анықтау мақсатында скринингтің 3 түрі жүргізіледі: жатыр мойны обыры (әйелдер арасында 30-70 жас), сүт безі обыры (әйелдер арасында 40-70 жас) және тоқ ішек обыры (ерлер мен әйелдер арасында 50-70 жас).

Жыл сайын 2,5 млн астам азамат скринингтік зерттеуден өтіп, 2021 жылы онкологиялық аурулардың 1930 жағдайы анықталды.

2019 жылдан бастап КТ және МРТ онкологиялық ауруларға күдікті пациенттерге зерттеулер тегін жүргізіледі. 2021 жылы 62 660 зерттеу жүргізілді.

Бүгінде елімізде заманауи молекулярлық-генетикалық, иммуногистохимиялық зерттеулер, таргеттік терапия, минималды инвазивті, лапороскопиялық, ағзаны сақтайтын операциялар қолданылады. 2021 жылғы деректер бойынша барлығы 143 014 пациент емделген. 2021 жылы 28 928 науқас хирургиялық ем алды.

Бүгінде радиациялық терапия да дамуда. Қазіргі уақытта Қазақстанда томотерапияның 2 бірегей орталығы жұмыс істеп, онда ересектер мен балаларға жоғары технологиялық сәулелік терапия көрсетіледі.

Сондай-ақ, 7 өңірде жоғары технологиялық желілік үдеткіштер орнатылып, тағы 3-еуі Қарағанды, Жамбыл облыстары мен Шымкентте биыл іске қосылады.