Қазақстанда Халықаралық балалар обырына қарсы күрес күні

Қазақстанда Халықаралық балалар обырына қарсы күрес күніне арналған хабардарлық апталығы өтуде.

2025 жылғы 10-17 ақпан аралығында Қазақстанда Халықаралық балалар обырына қарсы күрес күніне арналған хабардарлық апталығы өтуде. Акция шеңберінде бүкіл ел бойынша балалар обыры проблемасы туралы білімді арттыруға, пациенттердің отбасыларын қолдауға және қоғамның ынтымақтастығын дамытуға бағытталған ауқымды ақпараттық науқан ұйымдастырылды.

Профилактикалық медициналық тексеру

Бүгін BINOM мектеп-лицейінде балаларды профилактикалық медициналық тексеру басталды. Балаларды педиатр, невропатолог, хирург, уролог, ЛОР дәрігері, эндокринолог және көз дәрігері тексерді.  

Дүниежүзілік қатерлі ісікке қарсы күрес күні

Жыл сайын 4 ақпанда атап өтілетін Дүниежүзілік қатерлі ісікке қарсы күрес күні — бұл ауру туралы хабардарлықты арттыруға, науқастарды қолдауға және алдын алу шараларын ілгерілетуге бағытталған жаһандық бастама. Бұл күн әлемдегі өлім-жітімнің ең көп таралған себептерінің бірімен күресу үшін әлемдік қоғамдастықтың күш-жігерін біріктіруде шешуші рөл атқарады.

ДДҰ мәліметтері бойынша, қатерлі ісік жыл сайын миллиондаған адамның өмірін қиып, өлімнің жетекші себептерінің бірі болып қала береді. Алайда, сарапшылардың бағалауы бойынша, жағдайлардың жартысына жуығын уақтылы алдын-алу, ерте диагностикалау және тиімді емдеу арқылы болдырмауға болады.

Уақытылы скринингтен өту маңызды!

Қазақстанда онкологиялық ауруларды диагностикалау және емдеу тегін медициналық көмектің кепілдік берілген көлеміне (ТМККК) кіреді. Осылайша, барлық онкологиялық пациенттер – Қазақстан азаматтары МӘМС мәртебесіне қарамастан онкологиялық ауруларды тегін емдеуге құқылы.

Онкологиялық пациенттерді дәрі-дәрмекпен қамтамасыз ету, диагностикалау және емдеу мемлекет тарапынан төленеді. Тегін медициналық көмектің кепілдік берілген көлемі (ТМККК) шеңберінде пациентке ештеңе төлеудің қажеті жоқ.