Омырау сүті - нәрестелер үшін аса пайдалы тағам

Бала құқықтары туралы Конвенцияға сәйкес, әр нәресте және басқа жас топтары дұрыс тамақтануға құқылы. Омырау сүтімен қоректендіру - Дүниежүзілік денсаулық сақтау ұйымының 170 ел, оның ішінде Қазақстан қабылдаған бағдарламасы.

Омырау сүтімен қоректендіру  - баланың денсаулығы мен өмір сүруін қамтамасыз етудің ең тиімді әдістерінің бірі. Емшек сүті-нәрестелер үшін тамаша тағам. Ол қауіпсіз, зиянсыз және көптеген жалпы балалық шақ ауруларынан қорғауға көмектесетін антиденелерден тұрады.

Омырау сүтімен қоректенетін нәрестелер интеллектуалды түрде жақсы дамиды, артық салмақтан аз зардап шегеді және қант диабетіне бейім емес. Омырау сүтімен қоректендіретін әйелдерде сүт безі мен аналық без қатерлі ісігінің даму қаупі де төмендейді.

ҚР ДСМ деректері бойынша бүгінгі таңда елімізде тек омырау сүтімен қоректендіруде 0-ден 6 айға дейінгі 180 мың бала және 2 жасқа дейінгі 568 мың бала қосымша тамақтандырумен және жалпы тамақтанумен бірге омырау сүтімен қоректенеді.