Менингококтық жұқпа

Белгілері. Инкубациялық кезең  3 тәуліктен 20 тәулікке дейін  (көбінесе 5-7 күн). Ауру жедел басталады, дене температурасының 38-40^о С өте жоғары көтерілуімен көрінеді. Аурулардың жартысында  1-5 күн ішінде менингит белгілері пайда болғанға дейін  мұның алдында  назофарингит белгілері  (тамағы қышу және ауруы, мұрны бітіп, аздап қоймалжың су ағу) болады.  Жалпы әлсіздік пайда болады, көзінің еті қабынып қызарады,   басы ауырады, әсіресе маңдай жағы ауырып,  әлсізденіп бозарады. Әсіресе азапты және шыдатпайтын бас ауыруы күшейе  түседі. Науқасқа жеңілдік сезіндірмейтін жүрек айнымай себепсіз құсу, уақыт сала қайталама құсу қайталанылады.   Ұйқы  бұзылғаны, қалтырау, тәбеттің жойылуы, әлсіздік, тежелгендік байқалады. Аурудың белгілерінде ми қабықтарының қабынуы-желке бұлшық еттерінің сіресуі (науқас иегін кеудесіне дейін төмен түсіре алмауы)   жетекші орынды алады.

Кейбір аурулардың ауырған алғашқы сәтінде денесінде дұрыс емес жұлдызша түріндегі қызғылт теңбіл бөртпелер шығады, олар көлемі әр түрлі  болуы мүмкін, көбінесе олар құйрығында, санында, тізелерінде, қолдарында, қолтық асты мен шабында шығады.

Жедел көмек. Бұл ауруға күдік туғанда, ауруды емханаға жатқызу үшін шұғыл түрде жедел жәрдемді шақыру қажет.

Диспансерлеу. Менингококкты менингитпен ауырған адамдар диспансерлеуге жатады.

Аурудың алдын алу. Ауру адаммен қарым-қатынаста болған отбасы мүшелері 10 күн бойы медициналық бақылауға алынады.   Олар менингококк  тасымалдаушыға зерттеледі.  Бактериологиялық зерттеулердің теріс нәтижесін алмағанға дейін, бала-бақшаға баратын балалар бұл мекемелерге жіберілмейді.