Жатыр мойны обыры дегеніміз не?

Жатыр мойны обыры (ЖМО) - әйелдің жатыр мойнының қатерлі ісігі (қынаптан жатырға кіру). Жатыр мойны обырының барлық дерлік жағдайлары АПВ-инфекциясынан туындайды.

Онкогендік қаупі жоғары АПВ-инфекциясы жатыр мойнын қаптайтын жасушаларда қалыптан тыс өзгерістерге әкелуі мүмкін. Бұл зақымданулар қатерлі ісікке дейінгі өзгерістер деп аталады. Егер олар емделмесе немесе жойылмаса, олардың қатерлі ісікке айналу мүмкіндігі бар.

Жатыр мойны обырын емдеудің негізгі әдістері хирургиялық, сәулелік терапия және химиотерапия болып табылады, бұл ұзақ мерзімді денсаулық проблемаларына, соның ішінде бедеулікке әкелуі мүмкін.

Жатыр мойны обыры Қазақстандағы әйелдер арасында ең көп таралған екінші қатерлі ісік түрі болып табылады.

Жатыр мойны обырының алдын алудың ең тиімді әдісі – АПВ-инфекциясына қарсы вакцинация.