Аудиологиялық скрининг

Ерте жастағы балалардың аудиологиялық скринингін ұйымдастыру.

Аудиологиялық скрининг жаңа туған нәрестелердің, ерте жастағы балалардың есту қабілетінің бұзылуын уақтылы анықтау, мүгедектікке әкелетін ауруларды оңалту және алдын алу үшін жүргізіледі.

Аудиологиялық скринингті ұйымдастыру екі кезеңнен тұрады:

- бірінші кезең-жаңа туған нәрестелерге меншік нысанына қарамастан босандыру ұйымдарында жүргізілетін неонаталдық аудиологиялық скрининг.

- екінші кезең – аудиологиялық скрининг, ол 3 ай, 1 жыл, 2 жыл, 3 жыл, 6 жасты қоса алғанда меншік нысанына қарамастан МСАК медициналық ұйымдарының балаларды дамыту кабинеттерінде жүргізіледі.

Аудиологиялық скринингтің бірінші кезеңінде жаңа туған нәрестенің өмірінің алғашқы 24-72 сағатында медбике мамандандырылған жабдықта баланың есту қабілетін тексеру үшін кешенді тексерулер жүргізеді.

Аудиологиялық скринингтің екінші кезеңінің іс-шаралары: анамнез жинауды, құлақ мүкістігі мен саңыраулық бойынша қауіп факторларын айқындауды және баланың денсаулық паспортына деректерді міндетті түрде енгізе отырып, сауалнама-сұраулықты толтыруды қамтиды.